يا ويلكم من ربهم !!

يا ويلكم من ربهم !!

بالأمس ..

من كان معاهم خِلهم ..

ومن وقف في وجههم .. إبليس داغز عينهم ..

واليوم من كان جنبهم .. ثار وانتفض من اجلهم ..

لو ما تراجع مثلهم .. ووقع غبي من جيزهم ..

قالوا انه كاره أمنهم ويشتي يخرب أرضهم ..

جبناء جني شلهم ...

بالأمس ..

الثوره كانت حقهم ..
 والدم كان من دمهم .. تخرب بلاد تحرق بلاد

أهم حاجه قولهم !!!!

واليوم تصرخ جنبهم ..
وأنت بحسرة تقول لهم : أم الشهيد جالس تِهم ..

تِسأل وتفحر قلبها .. كيييف .. قتله وصفحتم عنهم ؟؟!!!!!!

قالوا اصه ..
احياء هم عند ربهم .. تشتوا نموت من بعدهم ؟؟؟

يعني الشباب غرر بهم ؟؟
ضحكوا على ارواحهم .. شفطوا الهواء وضحوا بهم ؟!

يا ويـــــــلـــــــكم من ربــــهــــــــم .. !!!!!!

بالأمس ..

بالأمس لما تشوفهم !!!

تتمنى ليتك مثلهم ..
من كثر ما يتوعدوا ... تظن عنتر بينهم ..

واليوم تسمع حسهم !!!
لااااااااااااااااااا مستحيــــــــل

هم ويـــــــنـــــــــــهم ؟؟

مدرررررررري ؟؟ وخاب ظني فيبهم ..

مثل الذي من قبلهم ..
لا والطبول تقرع لهم .. مافيش فروق ما بينهم ..

عفاش كان من قبلهم ..
يسرق وينهب حقهم .. وهم عبيد من سعهم ..

يلطم ويسفخ باليمين ..
ويكسر ويدعس انفهم .. مستسلمين وخاضعين ..

طـبــعـــــــــــــا ..
أصلا ولــــــي امرهــــم !!!

بقلم : هناء العبسي